上次我地講到”體能”分成:力量、速度、靈敏、耐力、柔韌等5個類別，而每類發展的強與弱對”體能表現息息相關，今日我地會講吓第二項 - “速度”
“速度”係人體快速運動的能力，同樣”速度”亦存在著不同的表現形式。
1)“移動速度”
即人體快速移動的能力，主要係講直線運動中極限速度表現如:100米等，同樣亦表示著加速能力，又例如欖球經常玩嘅40碼等。每項運動都有不同之處，有啲運動講求需要極限速度；有啲運動講求”加速度”雖然兩者都係好似一樣，但係訓練方法都唔同的。
2)“動作速度”
出拳、出腳、揮拍等動作嘅快慢其實就係“動作速度”嘅表現。“移動速度”多以宏觀、全身協調作表現，而“動作速度”則強調局部運動的快慢，以上面100米為例:”提膝”、”抬腿”、”伸髖”、”扒地”嘅快慢就係講緊“動作速度”。
3)“反應速度”
“反應速度”係指人體判斷外界信號快慢嘅能力，例如你唔小心鬆手跌咗手機馬上就知道，呢個就係“反應速度”，但係你能唔能夠即時出手捉回手機又係另一回事。不幸嘅係“反應速度”係成年之後難以再提高，因為神經系統已經成熟好難再重點加強。
今日我地講咗幾類”速度”嘅分別，大家不防分析一吓你所需要的再加以強化吧
下次我地會講”靈敏”…… 記得繼續留意我嘅facebook呀!!
Search